Мерапрыемства ў ГПД "Поўна хата экспанатаў"

29.11.2023 г. у ГПД  адбылося мерапрыемства  "Поўна хата экспанатаў", мэтай якога было знаёмства з прадметамі быта нашых продкаў , садзейнічанне выхаванню любві і павагі да культурнай спадчыны роднага краю.

Мерапрыемства складалася з двух этапаў: гутаркі ў класе і экскурсіі ў школьны этнаграфічны музей "Беларуская хатка". Перад паходам у музей вучні пазнаёміліся з ілюстрацыямі некаторых  прадметаў, паслухалі вершы, прысвечаныя спадчыне беларускага народа, а затым гэтыя прадметы  ўбачылі ў музеі. Экскурсію правяла кіраўнік музея Яткоўская Валянціна Вацлаваўна, якая з любоўю і пяшчотай расказала амаль пра кожны прадмет музея. Бо кожны экспанат - гэта гісторыя, якую мы павінны ведаць і шанаваць.